საერთაშორისო საზაფხულო სამართლის სკოლა ELSA – 2019-ის დახურვა

საერთაშორისო საზაფხულო სამართლის სკოლამ  დღეს, 5 ივლისს, მუშაობა დაასრულა. საქპატენტის მცხეთის სათავო ოფისში სკოლის 25 კურსდამთავრებულს,  რომლებმაც მოისმინეს აღნიშნული კურსი თემაზე „ინტელექტუალური საკუთრების სამართალი“, გადაეცათ სკოლის სასწავლო პროგრამის გავლის დამადასტურებელი დიპლომები. 

წელს ELSA-ს სკოლა მეოთხედ ჩატარდა საქართველოში. პროექტი განხორციელდა   ევროპის იურისტ სტუდენტთა ასოციაცია საქართველოს (ELSA Georgia), ინტელექტუალური საკუთრების ეროვნული ცენტრის - საქპატენტის, ინტელექტულუარი საკუთრების მსოფლიო ორგანიზაციის (WIPO) თანამშრომლობით. წლევანდელი  ELSA-ს სკოლის კურსდამთავრებულები არიან სტუდენტები 10 ქვეყნის  უნივერსიტეტებიდან (ავსტრია, იტალია, პოლონეთი, პორტუგალია, რუსეთი, სლოვენია, ჩეხეთი, შვედეთი, შვეიცარია, საქართველო)