საგამოცდო პროგრამა განსაზღვრულია „საქართველოს პატენტრწმუნებულთა საკვალიფიკაციო გამოცდის ჩატარების ფორმის, წესისა და საგამოცდო პროგრამის, საქართველოს პატენტრწმუნებულთა საკვალიფიკაციო გამოცდის ჩაბარების დამადასტურებელი დოკუმენტის − სერტიფიკატის ფორმისა და გაცემის წესის დამტკიცების შესახებ“ სსიპ საქართველოს ინტელექტუალური საკუთრების ეროვნული ცენტრის – „საქპატენტის“ თავმჯდომარის 2025 წლის 31 იანვრის №11 ბრძანებით.

• ინტელექტუალური საკუთრების სფეროს მარეგულირებელი ნორმატიული აქტების კრებული;

• ინტელექტუალური საკუთრების სფეროში მოქმედი საერთაშორისო ხელშეკრულებებისა და შეთანხმებების კრებული

პატენტრწმუნებულთა საკვალიფიკაციო გამოცდის დავალებების ნიმუშები განკუთვნილია დამხმარე მასალად.
საგამოცდო დავალებები შედგენილია „საქართველოს პატენტრწმუნებულთა საკვალიფიკაციო გამოცდის ჩატარების ფორმის, წესისა და საგამოცდო პროგრამის, საქართველოს პატენტრწმუნებულთა საკვალიფიკაციო გამოცდის ჩაბარების დამადასტურებელი დოკუმენტის − სერტიფიკატის ფორმისა და გაცემის წესის დამტკიცების შესახებ“ საჯარო სამართლის იურიდიული პირის – საქართველოს ინტელექტუალური საკუთრების ეროვნული ცენტრის – „საქპატენტის“ თავმჯდომარის 2025 წლის 31 იანვრის №11 ბრძანებით დამტკიცებული დანართი №1-ით განსაზღვრული საგამოცდო პროგრამის შესაბამისად.
პატენტრწმუნებულთა პირველი საკვალიფიკაციო გამოცდისთვის საგამოცდო დავალებების შექმნის მიზნით, საქპატენტის ოფიციალური მიმართვის საფუძველზე და WIPO-ს რეკომენდაციების გათვალისწინებით, ევროპის საპატენტო უწყების (EPO) უშუალო ჩართულობით შეიქმნა იმ უცხოელ (აშშ, საფრანგეთი, ტაილანდი) ექსპერტთაგან შემდგარი ჯგუფი, რომელთაც აქვთ შესაბამისი პროფესიული კომპეტენცია და პრაქტიკული გამოცდილება, მათ შორის, საგამოცდო დავალებების შემუშავების მიმართულებით. შედეგად, საერთაშორისო ექსპერტების მიერ საგანგებოდ შემუშავდა საგამოცდო დავალებების ბანკი, რომლის ქართულ ენაზე თარგმნასა და შემოწმებაში, დარგის ადგილობრივ ექსპერტებთან ერთად, მონაწილეობდნენ სსიპ საქართველოს იუსტიციის სასწავლო ცენტრის ფსიქომეტრიის სპეციალისტებიც.

• სასაქონლო ნიშნების სპეციალიზაციის პატენტრწმუნებულთა საკვალიფიკაციო გამოცდის დავალების ნიმუშები

საკვალიფიკაციო გამოცდის ჩაბარების მსურველი უნდა აკმაყოფილებდეს შემდეგ მოთხოვნებს:

• უნდა იყოს საქართველოს მოქალაქე;

• ჰქონდეს უმაღლესი განათლება (მინიმუმ ბაკალავრის ხარისხი) საბუნებისმეტყველო მეცნიერებათა ან ინჟინერიის მიმართულებით − მათემატიკის, მშენებლობის, სტატისტიკის, ან წარმოების დარგში.

საკვალიფიკაციო გამოცდის ჩაბარების მსურველი უნდა აკმაყოფილებდეს შემდეგ მოთხოვნებს:

• უნდა იყოს საქართველოს მოქალაქე;

• ჰქონდეს უმაღლესი განათლება (მინიმუმ ბაკალავრის ხარისხი) ნებისმიერი სპეციალობით. შენიშვნა: „საქართველოს პატენტრწმუნებულთა შესახებ“ კანონის თანახმად, გამოცდაზე დაშვების წინაპირობა – მოთხოვნა ინტელექტუალური საკუთრების, მათ შორის, ინტელექტუალური საკუთრების სამართლის სფეროში მუშაობის არანაკლებ 1 წლის გამოცდილების ან სპეციალური მოსამზადებელი კურსის გავლის შესახებ ამოქმედდება 2027 წლის 1 იანვრიდან.

პატენტრწმუნებულთა საკვალიფიკაციო გამოცდაში მონაწილეობის საფასური შეადგენს 250 ლარს, რომლის გადახდა უნდა მოხდეს რეგისტრაციისას შემდეგ საბანკო ანგარიშზე:

საიდენტიფიკაციო კოდი: 203 831 363

მიმღების ბანკი: სახელმწიფო ხაზინა

მიმღების დასახელება: ხაზინის ერთიანი ანგარიში

ბანკის კოდი: TRESGE22

სახაზინო კოდი/ანგარიშის ნომერი: 707 807 519

დანიშნულებაში აუცილებლად უნდა მიუთითოთ: პატენტრწმუნებულთა საკვალიფიკაციო გამოცდის საფასური.

გამოცდის წარმატებით ჩაბარების შემდეგ გაიცემა პატენტრწმუნებულის საკვალიფიკაციო გამოცდის ჩაბარების დამადასტურებელი დოკუმენტი − სერტიფიკატი.

მნიშვნელოვანია, რომ საკვალიფიკაციო გამოცდის ჩაბარებიდან 5 წლის განმავლობაში პირი დარეგისტრირდეს პატენტრწმუნებულთა რეესტრში. წინააღმდეგ შემთხვევაში, სერტიფიკატი დაკარგავს ძალას და აღნიშნული ვადის შემდეგ პატენტრწმუნებულის უფლებამოსილების განსახორციელებლად საჭირო იქნება საკვალიფიკაციო გამოცდის ხელახლა ჩაბარება.

საერთო სპეციალიზაციის მქონე პატენტრწმუნებული – საქართველოს მოქალაქე, რომელიც რეგისტრირებულია პატენტრწმუნებულთა რეესტრში და საქართველოს კანონმდებლობის შესაბამისად ახორციელებს ინტელექტუალური საკუთრების სფეროში საქმიანობას.

სასაქონლო ნიშნების სპეციალიზაციის მქონე პატენტრწმუნებული – საქართველოს მოქალაქე, რომელიც რეგისტრირებულია პატენტრწმუნებულთა რეესტრში და საქართველოს კანონმდებლობის შესაბამისად ახორციელებს ინტელექტუალური საკუთრების სფეროში საქმიანობას სასაქონლო ნიშნების, ადგილწარმოშობის დასახელებების, გეოგრაფიული აღნიშვნებისა და დიზაინის მიმართულებით.

პატენტრწმუნებულის მომსახურება მოიცავს:

• ინტელექტუალური საკუთრების ობიექტთან დაკავშირებული კონსულტაციების გაწევასა და ძიების წარმოებას;

• მარწმუნებლის წარმომადგენლობას საქპატენტში, საქპატენტთან არსებულ სააპელაციო პალატაში, სხვა სახელმწიფო ორგანოსა და მესამე პირებთან ურთიერთობებში;

• ინტელექტუალური საკუთრების ობიექტის რეგისტრაციის მიზნით, ეროვნული, თუ საერთაშორისო განაცხადების შედგენას;

• დამცავი დოკუმენტების მისაღებად და ინტელექტუალური საკუთრების ობიექტის ძალის შესანარჩუნებლად აუცილებელი ქმედებების განხორციელებას;

• რეგისტრირებული ინტელექტუალური საკუთრების ობიექტის დამცავი დოკუმენტის დუბლიკატის მისაღებად საჭირო დოკუმენტაციის შედგენას;

• შესაბამისი უფლებების გადასაცემად საჭირო დოკუმენტაციის მომზადებასა და წარდგენას;

• სალიცენზიო ხელშეკრულების რეგისტრაციისთვის აუცილებელი დოკუმენტაციის მომზადებას;

• ინტელექტუალური საკუთრების ობიექტის რეგისტრაციის გაუქმების თაობაზე განაცხადის შედგენას;

• უფლებების დაცვისა და განხორციელებისთვის საჭირო ინტელექტუალური საკუთრების სფეროში საქართველოს კანონმდებლობით გათვალისწინებული სხვა უფლებამოსილებების განხორციელებას.

• კეთილსინდისიერად განახორციელოს პროფესიული საქმიანობა;

• დაუყოვნებლივ აცნობოს დაინტერესებულ პირს ინტერესთა კონფლიქტის შესახებ;

• დაიცვას პროფესიული საიდუმლოება (ინფორმაციის კონფიდენციალურობა);

• 2027 წლის 1 იანვრიდან 2 წელიწადში ერთხელ, საქპატენტში წარმოადგინოს განგრძობადი პროფესიული განათლების მიღების დამადასტურებელი დოკუმენტი (დოკუმენტები).

• საქართველოს პატენტრწმუნებულთა შესახებ კანონი

• საქართველოს პატენტრწმუნებულთა საკვალიფიკაციო გამოცდის ჩატარების ფორმის, წესისა და საგამოცდო პროგრამის, საქართველოს პატენტრწმუნებულთა საკვალიფიკაციო გამოცდის ჩაბარების დამადასტურებელი დოკუმენტის − სერტიფიკატის ფორმისა და გაცემის წესის დამტკიცების შესახებ“ სსიპ საქართველოს ინტელექტუალური საკუთრების ეროვნული ცენტრის – „საქპატენტის“ თავმჯდომარის 2025 წლის 31 იანვრის №11 ბრძანება

ტელ.: +995 32 2 25 25 33

ელფოსტა: exam.patentattorney@sakpatenti.gov.ge