საქპატენტში საქართველო-შვეიცარიის ინტელექტუალური საკუთრების პროექტის (GESIP) მმართველი კომიტეტის რიგით მეორე შეხვედრა გაიმართა
საქართველოს ინტელექტუალური საკუთრების ეროვნული ცენტრის – „საქპატენტის“ სათავო ოფისში საქართველო-შვეიცარიის ინტელექტუალური საკუთრების პროექტის (GESIP) მმართველი კომიტეტის მეორე შეხვედრა გაიმართა. შეხვედრას ესწრებოდნენ საქპატენტის, შვეიცარიული მხარისა და გარემოს დაცვისა და სოფლის მეურნეობის სამინისტროს წარმომადგენლები.
საქპატენტის თანამშრომლებისთვის ტრენინგები შვეიცარიული მხარის ჩართულობით ჩატარდა
საქპატენტისა და შვეიცარიის ინტელექტუალური საკუთრების ფედერალური ინსტიტუტის (IPI) ერთობლივი პროექტის (GESIP) ფარგლებში, საქპატენტის გამოგონებისა და ახალი ჯიშების დეპარტამენტის თანამშრომელთა პროფესიული განვითარების ხელშეწყობის მიზნით, ჩატარდა ტრენინგები „მოქმედების თავისუფლების ძიება (FTO) ქიმიის დარგში“, რომელსაც შვეიცარიის ინტელექტუალური საკუთრების ფედერალური ინსტიტუტის (IPI) საპატენტო ექსპერტი შტეფანი შტირი უძღვებოდა.
საქპატენტის მხარდაჭერით, ბოლნისის დაცული ადგილწარმოშობის დასახელების ღვინის ფესტივალი გაიმართა
ბოლნისში დაცული ადგილწარმოშობის ღვინის ფესტივალი 2024 გაიმართა. ფესტივალი საქართველოში მეორედ ჩატარდა და მისი სლოგანი „ბოლნისი – ოქროსფერი ღვინის ქალაქი“ გახლდათ. ღონისძიებაზე საქართველოს სხვადასხვა კუთხის 50-მდე მსხვილი მწარმოებლისა და მცირე საოჯახო მარნის დაცული ადგილწარმოშობის დასახელების ღვინოები იყო წარმოდგენილი.
ჟენევაში ინტელექტუალური საკუთრების, გენეტიკური რესურსებისა და გენეტიკურ რესურსებთან დაკავშირებული ტრადიციული ცოდნის შესახებ დიპლომატიური კონფერენცია გაიმართა
შვეიცარიაში, ქ. ჟენევაში ინტელექტუალური საკუთრების, გენეტიკური რესურსებისა და გენეტიკურ რესურსებთან დაკავშირებული ტრადიციული ცოდნის შესახებ დიპლომატიური კონფერენცია გაიმართა. კონფერენცია შედგებოდა რამდენიმე რაუნდიანი მოლაპარაკებისგან, რომელთა შედეგადაც ინტელექტუალური საკუთრების მსოფლიო ორგანიზაციის (WIPO) წევრმა ქვეყნებმა, მათ შორის, საქართველოს მხარდაჭერით, მიიღეს ისტორიული მნიშვნელობის ხელშეკრულება ინტელექტუალური საკუთრების, გენეტიკური რესურსებისა და მათთან დაკავშირებული ტრადიციული ცოდნის შესახებ. შეთანხმების შედეგად დადგინდა, რომ თუ საპატენტო განაცხადში მოთხოვნილი გამოგონება ეფუძნება გენეტიკურ რესურსებთან დაკავშირებულ ტრადიციულ ცოდნას, განმცხადებელი ვალდებულია განაცხადში მიუთითოს გენეტიკური რესურსების წარმოშობის ქვეყანა ან შესაბამისი წყარო. კონფერენციის ფარგლებში გამართულ მოლაპარაკებებში საქართველოს ინტელექტუალური საკუთრების ეროვნული ცენტრის – „საქპატენტის“ სახელით მონაწილეობა მიიღო საქპატენტის თავმჯდომარის მოადგილემ ნინო ჩიქოვანმა.
საქპატენტისთვის ქართული პროდუქტების უნიკალური მინი მაკეტი შეიქმნა
საქართველოს ინტელექტუალური საკუთრების ეროვნულ ცენტრს - „საქპატენტს“ დეკორატიულ-გამოყენებითი ხელოვნების ნიმუში - გეოგრაფიული აღნიშვნებისა და ადგილწარმოშობის დასახელებების მინიატურული სახის მაკეტი შეემატა. მინი მაკეტში წარმოდგენილია საქპატენტში რეგისტრირებული ყველა, სულ 64 დასახელების პროდუქტის მინივერსია. იხილეთ ჩამონათვალი:
https://www.sakpatenti.gov.ge/ka/state_registry/
საქპატენტის ტერიტორიაზე 16 სახეობის 136 ხე, ყვავილი და სხვა მცენარე დაირგო
საქპატენტის ეზოს მწვანე სივრცის მოწყობის მიზნით და თანამშრომლებისთვის კომფორტული, ჯანსაღი გარემოს შესაქმნელად, მარადმწვანე წიწვოვანი თუ სხვა სახის მცენარეები და ყვავილები დაირგო. გამწვანების ღონისძიების ფარგლებში 16 სახეობის 136 ნერგი იქნა დარგული, რომელთა შორისაა: ირმის რქა, არიზონას კვიპაროსი, ტუია ბრაბანტი, ჯუჯა ფიჭვი, ჯუჯა ვერცხლისფერი ნაძვი, ტუია რეინგოლდი, ლოროპეტალუმი, დეკორატიული შინდი, სირიული ვარდი, სურო, ცრუჟასმინი, ტუია (ბურთისებრი), ტუია გოლდენ გლობი, ცინერარია, მწვანე გაშლილი კვიპაროსი და კვიპაროსი პირამიდული მწვანე.
საქპატენტმა ევროკავშირის ინტელექტუალური საკუთრების უწყების (EUIPO) მიერ ორგანიზებულ „თაღლითობის საწინააღმდეგო ქსელის“ შეხვედრაში მიიღო მონაწილეობა
ესპანეთში, ქ. ალიკანტეში, ევროკავშირის ინტელექტუალური საკუთრების უწყების (EUIPO) ორგანიზებით, თაღლითობის საწინააღმდეგო ქსელის (Anti-Scam Network Meeting) მე-9 შეხვედრა გაიმართა. ალიკანტეში გამართულ შეხვედრაზე საქართველომ, როგორც ევროკავშირის წევრობის კანდიდატმა ქვეყანამ პირველად მიიღო მონაწილეობა. ღონისძიებას ინტელექტუალური საკუთრების ეროვნული ცენტრის სახელით, საქპატენტის თავმჯდომარის მოადგილე, ნინო ჩიქოვანი დაესწრო.
საქპატენტის თანამშრომლები ბიოტექნოლოგიისა და ფარმაციის სფეროში სწავლებას გადიან
ევროპის საპატენტო უწყების (EPO) ექსპერტებმა საქპატენტის გამოგონებისა და ახალი ჯიშების დეპარტამენტის ქიმიის, მედიცინისა და ბიოლოგიის სამმართველოს თანამშრომლებისთვის ბიოტექნოლოგიისა და ფარმაციის სფეროში სასწავლო სესიები ჩაატარეს. შეხვედრა ჰიბრიდულ რეჟიმში განხორციელდა.
საქპატენტში მატერიალური საარქივო მასალების გაციფრულება იწყება
საქპატენტსა და საქართველოს ეროვნულ არქივს შორის ხელშეკრულება გაფორმდა, რომლის საფუძველზე ეროვნული არქივი საქპატენტს საარქივო მომსახურებას გაუწევს უწყების მატერიალური თუ ელექტრონული არქივების შექმნის მიზნით.
პარლამენტმა „საქართველოს პატენტრწმუნებულთა შესახებ“ კანონპროექტი მესამე მოსმენით მიიღო
დღეს საქართველოს პარლამენტმა მესამე მოსმენით მიიღო კანონი „საქართველოს პატენტრწმუნებულთა შესახებ“, რომელიც პატენტრწმუნებულის კვალიფიკაციის მოპოვებასთან, რეგისტრაციასთან და საქმიანობასთან დაკავშირებული საკითხებს, ასევე პატენტრწმუნებულთა ასოციაციის შექმნისა და ფუნქციონირების საკითხებს დაარეგულირებს.
