ევროკავშირის ინტელექტუალური საკუთრების უწყების მიერ ორგანიზებულ სასამართლო პრაქტიკის შესახებ გამართულ კონფერენციაში საქპატენტის წარმომადგენლებმა მიიღეს მონაწილეობა
29-30 აპრილს ესპანეთში, ქ. ალიკანტეში ინტელექტუალური საკუთრების სასამართლო გადაწყვეტილებების შესახებ ევროკავშირის ინტელექტუალური საკუთრების უწყების (EUIPO) ორგანიზებით რიგით მე-5 კონფერენცია გაიმართა. ღონისძიებას ესწრებოდნენ საქპატენტის თავმჯდომარის მოადგილე თიკა ნებიერიძე და სასაქონლო ნიშნებისა და გეოგრაფიული აღნიშვნების სამმართველოს უფროსი დეა ჭიჭინაძე.
საქპატენტისა და ინტელექტუალური საკუთრების მსოფლიო ორგანიზაციის (ისმო) ერთობლივი პროექტი თუშური გუდას მწარმოებლების ხელშეწყობის შესახებ დასრულდა
30 აპრილს საქართველოს ინტელექტუალური საკუთრების ეროვნული ცენტრის – „საქპატენტისა“ და ინტელექტუალური საკუთრების მსოფლიო ორგანიზაციის (ისმო) ერთობლივი პროექტის დახურვის ღონისძიება გაიმართა. პროექტი „შერჩეული რეგისტრირებული ქართული გეოგრაფიული აღნიშვნების მართვა, ბრენდინგი და კომერციალიზაცია“ ერთწლიანი იყო და მიზნად ისახავდა იმ ფერმერების, ასოციაციებისა და მეწარმეების მხარდაჭერას, რომლებიც გეოგრაფიული აღნიშვნებითა და ადგილწარმოშობის დასახელებებით ნიშანდებულ ქართულ, უნიკალურ პროდუქტებს აწარმოებენ.
საქპატენტმა ქუთაისის საერთაშორისო უნივერსიტეტის დასაქმების ფორუმში მიიღო მონაწილეობა
საქპატენტმა ქუთაისის საერთაშორისო უნივერსიტეტის დასაქმების ფორუმში მიიღო მონაწილეობა
ქუთაისის საერთაშორისო უნივერსიტეტმა (KIU) პირველ მასშტაბურ დასაქმების ფორუმს უმასპინძლა. ფორუმისთვის გამოყოფილ სივრცეში განთავსდა საქპატენტის საგამოფენო სტენდი. საქპატენტის წარმომადგენლებმა სტუდენტებს ორგანიზაციის საქმიანობის, დასაქმებისა და სტაჟირების შესაძლებლობების შესახებ ინფორმაცია გააცნეს.
ინტელექტუალური საკუთრების მსოფლიო დღის აღსანიშნავად საქპატენტმა სტუდენტებს საქართველოს 13 უნივერსიტეტიდან უმასპინძლა
26 აპრილი ინტელექტუალური საკუთრების მსოფლიო დღეა. ამ
თარიღთან დაკავშირებით, საქპატენტმა 13 სხვადასხვა უნივერსიტეტის
სტუდენტებს მცხეთის სათავო ოფისში უმასპინძლა.
გეოგრაფიული აღნიშვნების დაცვასთან დაკავშირებით მოლდოვას რესპუბლიკასა და საქართველოს შორის ერთობლივი კომიტეტის პირველი სხდომა გაიმართა
საქართველოში ევროკავშირის პროექტის EU4IP შემფასებელი მისიის წარმომადგენლები იმყოფებიან
ევროკავშირის პროექტის EU4IP („ინტელექტუალური საკუთრების უფლებების გაძლიერება საქართველოში, მოლდოვასა და უკრაინაში“) შემფასებელი მისიის წარმომადგენლების ვიზიტის ფარგლებში, საქართველოში იმყოფება პროექტის ხელმძღვანელი იბონ ორმაზაბალი. მისიის მიზანია პირველი წლის სამუშაო გეგმის მოსამზადებლად დაინტერესებულ მხარეებთან შეხვედრა და ტექნიკური დისკუსიების გამართვა.
პარლამენტმა „საქართველოს პატენტრწმუნებულთა შესახებ“ კანონპროექტი მეორე მოსმენით მიიღო
დღეს საქართველოს პარლამენტმა მეორე მოსმენით მიიღო კანონპროექტი „საქართველოს პატენტრწმუნებულთა შესახებ“. საქპატენტის მიერ მომზადებული საქართველოს კანონის პროექტი, პატენტრწმუნებულის კვალიფიკაციის მოპოვებასთან, რეგისტრაციასთან და საქმიანობასთან დაკავშირებული საკითხებს, ასევე პატენტრწმუნებულთა ასოციაციის შექმნისა და ფუნქციონირების საკითხებს დაარეგულირებს.
საქპატენტის შუამდგომლობით, თბილისის სახელმწიფო უნივერსიტეტისა და საქართველოს ტექნიკური უნივერსიტეტის კურსდამთავრებულები სტაჟირებას ესპანეთში, ევროკავშირის ინტელექტუალური საკუთრების უწყებაში (EUIPO) გაივლიან
საქპატენტის თავმჯდომარე სოსო გიორგაძე საქართველოს განათლების, მეცნიერებისა და ახალგაზრდობის მინისტრს გიორგი ამილახვარს შეხვდა და პან-ევროპული სტაჟირების (PES) პროგრამაში ქართული უნივერსიტეტების გაწევრიანების დეტალები გააცნო. შეხვედრას საქართველოს ტექნიკური უნივერსიტეტის რექტორი დავით გურგენიძე და თბილისის სახელმწიფო უნივერსიტეტის ვიცე რექტორი ერეკლე ასტახიშვილი ესწრებოდნენ.
სოსო გიორგაძე კიშინეუში იმყოფება, სადაც ევროკავშირის ახალი რეგიონული პროექტის დაწყების ღონისძიება იმართება
საქპატენტის თავმჯდომარე სოსო გიორგაძე მოლდოვას დედაქალაქში იმყოფება, სადაც ინტელექტუალური საკუთრების დარგში ევროკავშირის ახალი რეგიონული პროექტის EU4IP დაწყების ოფიციალური ღონისძიება იმართება. პროექტში, საქპატენტთან ერთად, მოლდოვას ინტელექტუალური საკუთრების სახელმწიფო სააგენტო (AGEPI) და უკრაინის ინტელექტუალური საკუთრებისა და ინოვაციების ეროვნული უწყება (UANIPIO) ჩაერთვება.
საქპატენტის თავმჯდომარე სოსო გიორგაძე პატენტრწმუნებულებს შეხვდა
საქპატენტის თავმჯდომარე სოსო გიორგაძე პატენტრწმუნებულებს შეხვდა. შეხვედრაზე პატენტრწმუნებულთა სფეროში მიმდინარე რეფორმაზე, ასევე, ინტელექტუალური საკუთრების დარგში ბოლოდროინდელ სიახლეებსა და არსებულ გამოწვევებზე ისაუბრეს.
