საქპატენტი გურჯაანის ღვინის ფესტივალის მხარდამჭერია
საქართველოს ინტელექტუალური საკუთრების ეროვნული ცენტრის - „საქპატენტის“ მხარდაჭერით, გურჯაანის ღვინის ფესტივალი ჩატარდა. კახეთის გულში გამართული დღესასწაული საუკუნეების სიღრმიდან წამოსული ღვინის დაგემოვნების გაცოცხლებული ტრადიციაა, რომელიც 9 წლიან ისტორიას ითვლის. ახტალას პარკში 546 მეღვინე და მეწარმე გაერთიანდა და ერთ სივრცეში სხვადასხვა გემოსა თუ ფერის, ახლად დადუღებულ თუ წლებით დავარგებულ ღვინოს მოუყარა თავი
საქპატენტის რთველში ძეგვის სარეაბილიტაციო ცენტრის ბავშვების მონაწილეობა ტრადიციად ჩამოყალიბდა
საქპატენტის მცხეთის სათავო ოფისის ტერიტორიაზე გაშენებულ ვენახში რთველი გაიმართა, სადაც საქპატენტის ხელმძღვანელმა სოსო გიორგაძემ თანამშრომლებთან ერთად ყურძნის კრეფის პროცესში მიიღო მონაწილეობა. რთველში აქტიურად ჩაერთნენ, ასევე, ძეგვის წმინდა გიორგი მთაწმინდელის სახელობის მონასტერთან არსებული სარეაბილიტაციო ცენტრის ბავშვები, მათი მშობლები და ცენტრის ხელმძღვანელი ნანა გოგოჭური. რთველში, ასევე, მონაწილეობდა ფილადელფიის წმინდა ფილიპეს სახელობის მართლმადიდებლური ტაძრის მღვდელი მამა ჯეიმსი, რომელიც მეგობრული მისიით ყოველ წელს სტუმრობს ძეგვის თავშესაფარს. ცენტრის ბენეფიციარებმა უკვე მეორედ მიიღეს მონაწილეობა საქპატენტში გამართულ ვაზის ზეიმში, დაათვალიერეს საგამოფენო სივრცე და საკუთარი ხელით დაამზადეს ჩურჩხელები.
პატენტრწმუნებულთა საკვალიფიკაციო გამოცდაში მონაწილეობის მსურველთა საყურადღებოდ!
გამოქვეყნდა საქართველოს პატენტრწმუნებულთა საკვალიფიკაციო გამოცდის დავალებების ნიმუშები, რომლებიც განკუთვნილია დამხმარე მასალად.
უნიკალური შანსი Game დეველოპერებისთვის – საერთაშორისო კონკურსი Next Great IP Game Jam იწყება
ინტელექტუალური საკუთრების მსოფლიო ორგანიზაციამ (WIPO) და Global Game Jam-მა (GGJ) ერთობლივი საერთაშორისო ინიციატივა – Next Great IP Game Jam დააანონსეს.
კონკურსი გაიმართება ვირტუალურ ფორმატში, მიმდინარე წლის 9–27 ოქტომბერს. მასში მონაწილეობის მიღების შესაძლებლობა ექნებათ 15-დან 35 წლამდე ასაკის ვიდეოთამაშების პროგრამისტებს. ინიციატივის მიზანია ხელი შეუწყოს ახალგაზრდებში ინტელექტუალური საკუთრების დაცვის მნიშვნელობის გააზრებასა და მის პრაქტიკულ გამოყენებას შემოქმედებით საქმიანობაში.
საქპატენტის სასწავლო ცენტრში ინტელექტუალური საკუთრების საერთაშორისო სასწავლო პროგრამა 17 ქვეყნის წარმომადგენელმა გაიარა
საქართველოს
ინტელექტუალური საკუთრების ეროვნული ცენტრის – „საქპატენტის“ სასწავლო ცენტრში გეოგრაფიული
აღნიშვნების შესახებ ინტელექტუალური საკუთრების მსოფლიო ორგანიზაციისა (WIPO) და საქპატენტის
ერთობლივი სპეციალიზაციის სასერტიფიკატო ტრენინგ-პროგრამის ფარგლებში, საერთაშორისო
სასწავლო კურსი 17 ქვეყნის წარმომადგენელმა გაიარა. აღნიშნული პროგრამა საქპატენტმა
WIPO-თან თანამშრომლობით, წელს უკვე მეცხრედ განახორციელა. აღსანიშნავია, რომ გეოგრაფიული
აღნიშვნების სფეროში საქართველოს მიერ დაგროვილი ცოდნისა და წარმატებული გამოცდილების
გათვალისწინებით, ჩვენი ქვეყანა ერთადერთია, სადაც WIPO-ს აკადემიის გადაწყვეტილებით,
ყოველწლიურად იმართება გეოგრაფიული აღნიშვნების ერთობლივი პროგრამა.
პრემიერ-მინისტრის ინიციატივის ფარგლებში, ანაზღაურებად სტაჟირებას 3 კურსდამთავრებული საქპატენტში გაივლის
საქართველოს პრემიერ-მინისტრის ინიციატივით,
სახელმწიფო უწყებებში 3-თვიანი ანაზღაურებადი სტაჟირების სამთავრობო პროგრამა ამოქმედდა.
აღნიშნული ინიციატივის ფარგლებში, საქპატენტმა კონკურსი 1 სექტემბერს გამოაცხადა. საკონკურსო
ეტაპების გავლის შედეგად, უწყებაში სტაჟირებას 3 კურსდამთავრებული გაივლის
საქართველოს პატენტრწმუნებულთა პირველი საკვალიფიკაციო გამოცდა დაინიშნა
სსიპ საქართველოს ინტელექტუალური
საკუთრების ეროვნული ცენტრის – „საქპატენტის“ თავმჯდომარის 2025 წლის 29 სექტემბრის
№ 327 ბრძანებით დაინიშნა საქართველოს პატენტრწმუნებულთა პირველი საკვალიფიკაციო გამოცდა.
საქპატენტს ჩინეთის სახალხო რესპუბლიკის ინტელექტუალური საკუთრების ეროვნული ადმინისტრაციის (CNIPA) დელეგაცია ეწვია
საქართველოს ინტელექტუალური საკუთრების ეროვნულ ცენტრის - „საქპატენტის“ სათავო ოფისს ჩინეთის სახალხო რესპუბლიკის ინტელექტუალური საკუთრების ეროვნული ადმინისტრაციის (CNIPA) დელეგაცია ესტუმრა.
2025 წელს ინოვაციების გლობალური ინდექსის (GII) რეიტინგში საქართველო კვლავ დაწინაურდა
ინტელექტუალური საკუთრების მსოფლიო ორგანიზაციამ (WIPO) გამოაქვეყნა ინოვაციების გლობალური ინდექსის 2025 წლის რეიტინგი, სადაც საქართველო კვლავ დაწინაურდა – შარშანდელი მაჩვენებელი ერთი პოზიციით გააუმჯობესა და 56-ე ადგილი დაიკავა. ინოვაციების გლობალური ინდექსი (GII) მსოფლიო ეკონომიკის ინოვაციური შესაძლებლობებისა და შედეგების რეიტინგია, რომელიც მსოფლიო ეკონომიკებს მათი ინოვაციური შესაძლებლობების მიხედვით აფასებს. მნიშვნელოვანია, რომ ინოვაციების გლობალური ინდექსი აქამდე მოიცავდა 133 ქვეყნის ეკონომიკას, თუმცა წელს ეს რიცხვი 139-მდე გაიზარდა
საქპატენტში პრემიერ-მინისტრის მიერ ინიცირებული 3-თვიანი ანაზღაურებადი სტაჟირების კონკურსი გამოცხადდა
საქართველოს პრემიერ-მინისტრის ირაკლი კობახიძის გადაწყვეტილებით, სახელმწიფო უწყებებში ანაზღაურებადი სტაჟირების პროგრამა დაიწყო. სტაჟირების მსურველებს განაცხადის გაკეთება დღეიდან 10 სექტემბრის ჩათვლით, მთავრობის ადმინისტრაციის მიერ ადმინისტრირებული ვებგვერდის (www.hr.gov.ge) მეშვეობით შეუძლიათ