სექტემბერი 2019
16
დისტანციური სწავლება
გვსურს გაცნობოთ, რომ ინტელექტუალური საკუთრების მსოფლიო ორგანიზაციიისა (WIPO) და სსიპ საქართველოს ინტელექტუალური საკუთრების ეროვნული ცენტრის - საქპატენტის თანამშრომლობით, ქართულ ენაზე, უფასოდ ხელმისაწვდომი გახდა, WIPO აკადემიის დისტანციური სწავლების კურსი „ინტელექტუალური საკუთრების ზოგადი კურსი (DL101GE)“.
პროფესიული განვითარების კურსი - გეოგრაფიულ აღნიშვნებზე
დღეს, 16 სექტემბერს - (2019წ.), საქართველოს ინტელექტუალური საკუთრების ეროვნულ ცენტრში - საქპატენტი, დაიწყო ინტელეტუალური საკუთრების მსოფლიო ორგანიზაციის(WIPO) პროფესიული განვითარების კურსი -გეოგრაფიულ აღნიშვნების შესახებ. WIPO-ს აკადემიისა და საქართველოს ინტელექტუალური საკუთრების ეროვნული ცენტრის – საქპატენტის სასწავლო ცენტრის მიერ ორგანიზებულ, ინგლისურენოვან საერთაშორისო სასწავლო კურსს - „გეოგრაფიული აღნიშვნების შესახებ“, წელს მესამედ ტარდება საქართველოში.
„ქინძმარაულის“ ექსპორტს მონღოლეთში პრობლემები აღარ შეექმნება
მონღოლური კომპანიის ,,ტავანბოგდ ინტერნეიშენალის” (Tavanbogd International LLC) მიერ, მონღოლეთის ტერიტორიაზე არაკეთილსინდისიერი განზრახვით რეგისტრირებული ქართული ადგილწარმოშობის დასახელება ,,ქინძმარაული“, ქართული ღვინის ჯიშების „საფერავი“, „რქაწითელი“ და ნიშანი „ალაზნის ველი“ ბათილად იქნა ცნობილი.
ევროკავშირის მიერ დაფინანსებული დაძმობილების პროექტის (GE/16 ENI EC 0318) ,,საქართველოში გეოგრაფიული აღნიშვნების ეფექტური დაცვისა და კონტროლის სისტემის დანერგვის“ მმართველი კომიტეტის რიგით მეორე შეხვედრა
დღეს, 25 ივლისს (2019 წ.), ინტელექტუალური საკუთრების ეროვნული ცენტრის - საქპატენტის სათაო ოფისში, გაიმართა ევროკავშირის მიერ დაფინანსებული მიმდინარე დაძმობილების პროექტის (GE/16 ENI EC 0318) ‘’საქართველოში გეოგრაფიული აღნიშვნების ეფექტური დაცვისა და კონტროლის სისტემის დანერგვის“ მმართველი კომიტეტის რიგით მეორე შეხვედრა, სადაც წარდგენილ იქნა პროექტის მომდევნო 6 თვის სამუშაო გეგმა და შესრულებული სამუშაოები.
სემინარი მოსამართლეთათვის ინტელექტუალური საკუთრების დარღვევის საქმეთა სამოქალაქო წესით განხილვის თაობაზე
დღეს 20 ივლისს (2019წ.), ქალაქ ბათუმში, ქართველი მოსამართლეების მონაწილეობით მიმდინარეობს სამუშაო შეხვედრა თემაზე: "სასამართლო პრაქტიკის მიმოხილვა ინტელექტუალური საკუთრების საქმეებთან დაკავშირებით", რომელიც ამერიკის შეერთებული შტატების სავაჭრო დეპარტამენტის კომერციული სამართლის განვითარების პროგრამის (CLDP) და საქართველოში ამერიკის საელჩოს ორგანიზებით იმართება.
საქართველო კონტრაფაქციისა და მეკობრეობის წინააღმდეგ 2019
18 ივლისს (2019 წ.), საქართველოს ინტელექტუალური საკუთრების ეროვნული ცენტრის - საქპატენტისა და ამერიკის შეერთებული შტატების სავაჭრო დეპარტამენტის კომერციული სამართლის განვითარების პროგრამის (CLDP) ორგანიზებით, გაიხსნა საერთაშორისო კონფერენცია ,,საქართველო კონტრაფაქციისა და მეკობრეობის წინააღმდეგ“.
საერთაშორისო საზაფხულო სამართლის სკოლა ELSA – 2019-ის დახურვა
საერთაშორისო საზაფხულო სამართლის სკოლამ დღეს, 5 ივლისს, მუშაობა დაასრულა. საქპატენტის მცხეთის სათაო ოფისში სკოლის 25 კურსდამთავრებულს, რომლებმაც მოისმინეს აღნიშნული კურსი თემაზე „ინტელექტუალური საკუთრების სამართალი“, გადაეცათ სკოლის სასწავლო პროგრამის გავლის დამადასტურებელი დიპლომები.
ELSA - საზაფხულო სკოლა 2019
საერთაშორისო საზაფხულო სამართლის სკოლა თემაზე „ინტელექტუალური საკუთრების სამართალი“ უკვე მეოთხედ ტარდება საქართველოში. ღონისძიება ხორციელდება ევროპის იურისტ სტუდენტთა ასოციაცია საქართველოს (ELSA Georgia), ინტელექტუალური საკუთრების ეროვნული ცენტრის - საქპატენტის, ინტელექტულუარი საკუთრების მსოფლიო ორგანიზაციის (WIPO) თანამშრომლობით.
საქპატენტმა პანკისელ მოსწავლეებს უმასპინძლა
25 ივნისს (2019წ), საქპატენტის მცხეთის სათაო ოფისს ესტუმრნენ პანკისის ხეობის სოფლების სკოლების მოსწავლეები. შეხვედრა „ჯუნიორ ეჩივმენტი საქართველო“-ს (JA Georgia) ინიციატივით მოეწყო, რომელიც ახორციელებს აშშ-ს საერთაშორისო განვითარების სააგენტოს (USAID) პროექტის „პანკისის სათემო კავშირები“ ქვეპროექტს „საბაზო ბიზნეს კონცეფციები დაწყებით განათლებაში“ პანკისის სკოლებში.
საპატენტო ძიება - უფასო სასწავლო კურსი საქპატენტის სასწავლო ცენტრში
ინტელექტუალური საკუთრების, კერძოდ საპატენტო სფეროში არსებული სამეცნიერო-ტექნოლოგიური მიღწევების გაცნობის, საპატენტო განაცხადის მომზადებამდე ტექნიკის დონის პირველადი შეფასებისა და საპატენტო უწყებაში განაცხადის წარდგენის დაგეგმვის შესასწავლად, ინტელექტუალური საკუთრების ეროვნულმა ცენტრმა - საქპატენტი შეიმუშავა სასწავლო კურსი, რომელსაც უფასოდ სთავაზობს უნივერსიტეტებისა და სამეცნიერო-კვლევითი ინსტიტუტების თანამშრომლებს.
