საქპატენტში მატერიალური საარქივო მასალების გაციფრულების პროცესი დაიწყო
საქპატენტში საქართველოს ეროვნული არქივის წარმომადგენლები უწყების მატერიალური დოკუმენტაციის სამეცნიერო-ტექნიკურ დამუშავებას შეუდგნენ. საქპატენტი ეროვნული არქივის სარეკომენდაციო სტანდარტით ხელმძღვანელობს, რომლის მიხედვით არქივის ფორმირება ითვალისწინებს საქპატენტის დაფუძნებიდან დღემდე არსებული დოკუმენტაციის ექსპერტიზას, აღწერათა შედგენასა და გასანადგურებლად გამოყოფილ დოკუმენტებზე მაკულატურის აქტის გაფორმებას.
საქპატენტის თანამშრომლებისთვის ჩატარდა ტრენინგი „ბიოტექნოლოგიის დარგში გამოგონებების პატენტუნარიანობა და მოქმედების თავისუფლების (FTO) ძიება“
საქპატენტისა
და შვეიცარიის ინტელექტუალური საკუთრების ფედერალური ინსტიტუტის (IPI) ერთობლივი პროექტის
(GESIP) ფარგლებში, საქპატენტის გამოგონებისა და ახალი ჯიშების დეპარტამენტის თანამშრომელთა
პროფესიული განვითარების ხელშეწყობის მიზნით, სასტუმრო „ჰოლიდეი ინნ თბილისში“ ჩატარდა
სამდღიანი ტრენინგი -„ბიოტექნოლოგიის დარგში გამოგონებების პატენტუნარიანობა და მოქმედების
თავისუფლების (FTO) ძიება“.
საქართველო-ევროკავშირის პროექტის – EU4IP-ის მმართველი კომიტეტის პირველი შეხვედრა გაიმართა
დღეს საქართველო-ევროკავშირის ერთობლივი პროექტის – „ინტელექტუალური საკუთრების
უფლებების გაძლიერება საქართველოში, მოლდოვასა და უკრაინაში“ (EU4IP) მმართველი კომიტეტის
პირველი შეხვედრა გაიმართა.
საქართველოს ტექნიკურმა უნივერსიტეტმა ინტელექტუალური საკუთრების მართვის აქტუალობის შესახებ პანელურ დისკუსიას უმასპინძლა
საქპატენტის თავმჯდომარის მოადგილემ თიკა ნებიერიძემ მონაწილეობა მიიღო საქართველოს ტექნიკურ უნივერსიტეტში გამართულ პანელურ განხილვაში ინტელექტუალური საკუთრების მართვის აქტუალობის შესახებ. პანელური დისკუსიის დღის წესრიგი მოიცავდა უნივერსიტეტის კვლევების პერიოდში და მათი კომერციალიზების დროს ინტელექტუალური საკუთრების დაცვის მნიშვნელობის გაანალიზებასა და საუკეთესო პრაქტიკის გამოვლენას.
საქპატენტმა „ახალგაზრდა მეცნიერთა კვირეულის“ ფარგლებში გამართულ პანელურ დისკუსიაში მიიღო მონაწილეობა
საქართველოს ინტელქტუალური საკუთრების ეროვნულმა ცენტრმა - „საქპატენტი“, „ახალგაზრდა მეცნიერთა კვირეულის“ ფარგლებში გამართულ პანელურ დისკუსიაში მიიღო მონაწილეობა. ღონისძიებას ესწრებოდა საქპატენტის გამოგონებისა და ახალი ჯიშების დეპარტამენტის ქიმია - მედიცინისა და ბიოლოგიის სამმართველოს უფროსი დიმიტრი იობაშვილი. საქართველოს განათლების, მეცნიერებისა და ახალგაზრდობის სამინისტროს მიერ დაგეგმილი ღონისძიება სსიპ შოთა რუსთაველის საქართველოს ეროვნულ სამეცნიერო ფონდში ჩატარდა. საქართველოს მაგალითზე დაყრდნობით შეხვედრის მონაწილეებმა განიხილეს სამეცნიერო კვლევების ტრანსლაცია ეკონომიკაში.
საქპატენტში საქართველო-შვეიცარიის ინტელექტუალური საკუთრების პროექტის (GESIP) მმართველი კომიტეტის რიგით მეორე შეხვედრა გაიმართა
საქართველოს ინტელექტუალური საკუთრების ეროვნული ცენტრის – „საქპატენტის“ სათავო ოფისში საქართველო-შვეიცარიის ინტელექტუალური საკუთრების პროექტის (GESIP) მმართველი კომიტეტის მეორე შეხვედრა გაიმართა. შეხვედრას ესწრებოდნენ საქპატენტის, შვეიცარიული მხარისა და გარემოს დაცვისა და სოფლის მეურნეობის სამინისტროს წარმომადგენლები.
საქპატენტის თანამშრომლებისთვის ტრენინგები შვეიცარიული მხარის ჩართულობით ჩატარდა
საქპატენტისა და შვეიცარიის ინტელექტუალური საკუთრების ფედერალური ინსტიტუტის (IPI) ერთობლივი პროექტის (GESIP) ფარგლებში, საქპატენტის გამოგონებისა და ახალი ჯიშების დეპარტამენტის თანამშრომელთა პროფესიული განვითარების ხელშეწყობის მიზნით, ჩატარდა ტრენინგები „მოქმედების თავისუფლების ძიება (FTO) ქიმიის დარგში“, რომელსაც შვეიცარიის ინტელექტუალური საკუთრების ფედერალური ინსტიტუტის (IPI) საპატენტო ექსპერტი შტეფანი შტირი უძღვებოდა.
საქპატენტის მხარდაჭერით, ბოლნისის დაცული ადგილწარმოშობის დასახელების ღვინის ფესტივალი გაიმართა
ბოლნისში დაცული ადგილწარმოშობის ღვინის ფესტივალი 2024 გაიმართა. ფესტივალი საქართველოში მეორედ ჩატარდა და მისი სლოგანი „ბოლნისი – ოქროსფერი ღვინის ქალაქი“ გახლდათ. ღონისძიებაზე საქართველოს სხვადასხვა კუთხის 50-მდე მსხვილი მწარმოებლისა და მცირე საოჯახო მარნის დაცული ადგილწარმოშობის დასახელების ღვინოები იყო წარმოდგენილი.
ჟენევაში ინტელექტუალური საკუთრების, გენეტიკური რესურსებისა და გენეტიკურ რესურსებთან დაკავშირებული ტრადიციული ცოდნის შესახებ დიპლომატიური კონფერენცია გაიმართა
შვეიცარიაში, ქ. ჟენევაში ინტელექტუალური საკუთრების, გენეტიკური რესურსებისა და გენეტიკურ რესურსებთან დაკავშირებული ტრადიციული ცოდნის შესახებ დიპლომატიური კონფერენცია გაიმართა. კონფერენცია შედგებოდა რამდენიმე რაუნდიანი მოლაპარაკებისგან, რომელთა შედეგადაც ინტელექტუალური საკუთრების მსოფლიო ორგანიზაციის (WIPO) წევრმა ქვეყნებმა, მათ შორის, საქართველოს მხარდაჭერით, მიიღეს ისტორიული მნიშვნელობის ხელშეკრულება ინტელექტუალური საკუთრების, გენეტიკური რესურსებისა და მათთან დაკავშირებული ტრადიციული ცოდნის შესახებ. შეთანხმების შედეგად დადგინდა, რომ თუ საპატენტო განაცხადში მოთხოვნილი გამოგონება ეფუძნება გენეტიკურ რესურსებთან დაკავშირებულ ტრადიციულ ცოდნას, განმცხადებელი ვალდებულია განაცხადში მიუთითოს გენეტიკური რესურსების წარმოშობის ქვეყანა ან შესაბამისი წყარო. კონფერენციის ფარგლებში გამართულ მოლაპარაკებებში საქართველოს ინტელექტუალური საკუთრების ეროვნული ცენტრის – „საქპატენტის“ სახელით მონაწილეობა მიიღო საქპატენტის თავმჯდომარის მოადგილემ ნინო ჩიქოვანმა.
საქპატენტისთვის ქართული პროდუქტების უნიკალური მინი მაკეტი შეიქმნა
საქართველოს ინტელექტუალური საკუთრების ეროვნულ ცენტრს - „საქპატენტს“ დეკორატიულ-გამოყენებითი ხელოვნების ნიმუში - გეოგრაფიული აღნიშვნებისა და ადგილწარმოშობის დასახელებების მინიატურული სახის მაკეტი შეემატა. მინი მაკეტში წარმოდგენილია საქპატენტში რეგისტრირებული ყველა, სულ 64 დასახელების პროდუქტის მინივერსია. იხილეთ ჩამონათვალი:
https://www.sakpatenti.gov.ge/ka/state_registry/
