საქპატენტი Amazon-თან, Ebay-სთან, Alibaba-სთან და Rakuten-თან ურთიერთთანამშრომლობის შეთანხმების გაფორმებაზე მუშაობს
ევროკავშირის მიერ დაფინანსებული ტვინინგის პროექტის (GE/16 ENI EC 0318) - ‘’საქართველოში გეოგრაფიული აღნიშვნების ეფექტური დაცვისა და კონტროლის სისტემის დანერგვა“ ფარგლებში, საქპატენტმა Amazon-თან, Ebay-სთან, Alibaba-სთან და Rakuten-თან ურთიერთთანამშრომლობის შესახებ შეთანხმება უნდა გააფორმოს. აღნიშნულ საკითხზე იმსჯელეს 30 მარტს, პროექტის მმართველი კომიტეტის რიგით მე-7 შეხვედრაზე.
ქართული მანდარინი და ქართული თხილი - საქპატენტი ორი ახალი გეოგრაფიული აღნიშვნის რეგისტრაციაზე იწყებს მუშაობას
ევროკავშირის მიერ დაფინანსებული ტვინინგის პროექტის (GE/16 ENI EC 0318) - ‘’საქართველოში გეოგრაფიული აღნიშვნების ეფექტური დაცვისა და კონტროლის სისტემის დანერგვა“ ფარგლებში, საქპატენტი იწყებს ორი ახალი გეოგრაფიული აღნიშვნის რეგისტრაციაზე მუშაობას. აღნიშნულ საკითხზე იმსჯელეს 30 მარტს, პროექტის მმართველი კომიტეტის რიგით მე-7 შეხვედრაზე.
ინტელექტუალური საკუთრების ზოგად კურსზე - DL101GE რეგისტრაცია დაიწყო
საქპატენტი ინტელექტუალური საკუთრების სფეროთი დაინტერესებულ ნებისმიერ პირს, გაძლევთ შესაძლებლობას დისტანციურად, უფასოდ და ქართულ ენაზე გაიაროთ ინტელექტუალური საკუთრების ზოგადი კურსი, მიიღოთ საერთაშორისო სერტიფიკატი და, სურვილის შემთხვევაში, განაგრძოთ ინტელექტუალური საკუთრების მსოფლიო ორგანიზაციის სხვა სპეციალიზებული კურსების შესწავლა.
საქართველოს ინტელექტუალური საკუთრების ეროვნულმა ცენტრმა -„საქპატენტმა“ შეუსაბამა პრაქტიკა CP10-ს
საქართველოს ინტელექტუალური საკუთრების ეროვნულმა ცენტრმა - „საქპატენტმა“ გამოაქვეყნა პრაქტიკის დოკუმენტი, რომელიც ეხება ინტერნეტით დიზაინებზე ინფორმაციის გახსნის შეფასების კრიტერიუმებს და შეიცავს რეკომენდაციებს აღნიშნულთან დაკავშირებით.
საავტორო და მომიჯნავე უფლებების შესახებ საქართველოს კანონში შესატანი ცვლილებების პროექტის საბოლოო ფორმატის შემუშავებაში საქპატენტს დახმარებას USAID-ი გაუწევს
კრეატიულ ინდუსტრიაში ინტელექტუალური საკუთრების უფლებების აღსრულების სისტემის გაუმჯობესებაზე საქპატენტი და აშშ-ს საერთაშორისო განვითარების სააგენტო (USAID) თანამშრომლობას იწყებენ. ამ მიზნით, 25 მარტს, ინტელექტუალური საკუთრების ეროვნული ცენტრის - ,,საქპატენტი“ თავმჯდომარემ მინდია დავითაძემ და USAID-ის ეკონომიკური უსაფრთხოების პროგრამის ხელმძღვანელმა მარკ მაკკორდიმ ხელი მოაწერეს მემორანდუმს ურთიერთთანამშრომლობის შესახებ.
სეუ-ს საბიბლიოთეკო საქმიანობაში საავტორო უფლებების დაცვის ხარისხი გაუმჯობესდება
საქპატენტის მიერ შემუშავებული სასწავლო ღონისძებების ფარგლებში, უწყების სასწავლო ცენტრმა, საქართველოს ეროვნული უნივერსიტეტის (სეუ) ბიბლიოთეკის თანამშრომლებისთვის, საავტორო უფლებების შესახებ სამუშაო შეხვედრა გამართა. მიზნობრივი ჯგუფისთვის საგანგებოდ შექმნილი კომპლექსური ტრენინგი მოიცავს საავტორო უფლებებთან დაკავშირებულ ყველა მნიშვნელოვან საკითხს, რომელთა ცოდნა ხელს შეუწყობს სეუ-ს საბიბლიოთეკო საქმიანობაში საავტორო უფლებებით დაცული ნაწარმოებების კანონიერად გამოყენებას.
ხელვაჩაურის მანდარინი, ქედას ჩხავერი, ხულოს კარტოფილი და ჩაქვის ჩაი პოტენციური გეოგრაფიული აღნიშვნების ჩამონათვალშია
აჭარის რეგიონში გეოგრაფიული აღნიშვნებით ნიშანდებული პროდუქტების განსაზღვრის მიზნით, საქპატენტის თავმჯდომარე მინდია დავითაძე აჭარის ავტონომიური რესპუბლიკის სოფლის მეურნეობის მინისტრს გიორგი სურმანიძეს შეხვდა. საქპატენტის ინიციატივაა, აჭარული ჩლეჩილისა და მაჭახელას თაფლის შემდეგ, გეოგრაფიული აღნიშვნების სახელმწიფო რეესტრს დაემატოს კიდევ სხვა განსაკუთრებული ხარისხის, თვისებებისა და რეპუტაციის მქონე აჭარული პროდუქტები.
მედიაცია - საქპატენტში დავის გადაწყვეტის ალტერნატიული მექანიზმის დანერგვა იგეგმება
საქპატენტი და საქართველოს მედიატორთა ასოციაცია თანამშრომლობას იწყებენ ინტელექტუალური საკუთრების სფეროსა და მედიაციის პოპულარიზაციაზე. აღნიშნულის მიზნით, დღეს, საქართველოს ინტელექტუალური საკუთრების ეროვნული ცენტრის - ,,საქპატენტი“ თავმჯდომარემ მინდია დავითაძემ და “საქართველოს მედიატორთა ასოციაციის” თავმჯდომარემ ირაკლი ყანდაშვილმა ურთიერთთანამშრომლობის მემორანდუმს მოაწერეს ხელი.
საქპატენტში საავტორო უფლებების მენეჯმენტის შესახებ სემინარი მიმდინარეობს
საქართველოში საავტორო ქონებრივი უფლებების კოლექტიურ საფუძველზე მმართველი ორგანიზაციების თაობაზე ცნობიერების ამაღლების მიზნით, 15-დან 18 მარტის ჩათვლით, საერთაშორისო პარტნიორების ჩართულობით სემინარი ტარდება. აშშ-ს კომერციული სამართლის განვითარების პროგრამის (CLDP) მიერ ორგანიზებულ სამუშაო შეხვედრას, რომელიც საქართველოში აშშ-ის საელჩოს მხარდაჭერით ხორციელდება, საქპატენტის თანამშრომლები, პატენტრწმუნებულები, კოლექტიური მართვის ორგანიზაციები და ამ თემით დაინტერესებული სხვა პირები ესწრებიან.
ტრენერების ბაზის ფორმირებისთვის საქპატენტის სასწავლო ცენტრი სპეციალურ პროექტს ახორციელებს
„ტრენერთა ტრენინგი ინტელექტუალური საკუთრების სამართალში“ - საქართველოს ინტელექტუალური საკუთრების ეროვნული ცენტრის – საქპატენტის ახალი პროექტია, რომელიც მიზნად ისახავს სამართლის სტუდენტების, იურისტებისა და მასწავლებლების გადამზადებას და ინტელექტუალური საკუთრების სამართლის ტრენერად ჩამოყალიბებას.
