სასწავლო კურსი გეოგრაფიული აღნიშვნების შესახებ
18 - 22 სექტემბერს, ინტელექტუალური საკუთრების მსოფლიო ორგანიზაციის აკადემიისა და საქართველოს ინტელექტუალური საკუთრების ეროვნული ცენტრის „საქპატენტი“ ორგანიზებით, თბილისში, საქპატენტის სასწავლო ცენტრში, ისმო-ს პროფესიული განვითარების პროგრამის ფარგლებში, ტარდება ინგლისურენოვანი ,,სასწავლო კურსი გეოგრაფიული აღნიშვნების შესახებ“.
ტრაპიზონში გეოგრაფიული აღნიშვნების რეგიონული სიმპოზიუმი მიმდინარეობს
2017 წლის 12-13 სექტემბერს, თურქეთში, ქ. ტრაპიზონში, ინტელექტუალური საკუთრების მსოფლიო ორგანიზაციის (ისმო), საქართველოს ინტელექტუალური საკუთრების ეროვნული ცენტრის „საქპატენტი“ და თურქეთის პატენტებისა და სასაქონლო ნიშნების უწყების „თურქპატენტი“-ს ორგანიზებით ტარდება გეოგრაფიული აღნიშვნების რეგიონული სიმპოზიუმი, სადაც განიხილავენ წარმოშობაზე დაფუძნებული პროდუქტების სამართლებრივი დაცვის საკითხებს. სიმპოზიუმის მონაწილეები ორი დღის განმავლობაში იმსჯელებენ გეოგრაფიული აღნიშვნის განვითარების სტრატეგიასა და გეოგრაფიული აღნიშვნების დაცვის სოციო-ეკონომიკურ გავლენებზე, გაეცნობიან თურქეთისა და საქართველოს გეოგრაფიული აღნიშვნების დაცვის სისტემებს და გაიზიარებენ ევროკავშირის გამოცდილებას გეოგრაფიული აღნიშვნების კონტროლისა და გეოგრაფიული აღნიშვნების დაცვის აღსრულების მიმართულებით.
ინტელექტუალური საკუთრების მსოფლიო ორგანიზაციის უფლებების აღსრულების საკონსულტაციო კომიტეტის 12-ე კომიტეტის სხდომა
4-6 სექტემბერს, შვეიცარიაში ქ. ჟენევაში, საქპატენტმა მონაწილეობა მიიღო ინტელექტუალური საკუთრების მსოფლიო ორგანიზაციის უფლებების აღსრულების საკონსულტაციო კომიტეტის 12-ე კომიტეტის სხდომაში.
პოლონეთსა და ლატვიაში, „სულგუნი“- სა და ქართული ღვინო „კახეთი“- ს უნებართვოდ გამოყენების ფაქტები აღმოიფხვრა.
სსიპ საქართველოს ინტელექტუალური საკუთრების ეროვნულმა ცენტრმა - „საქპატენტმა“, მიმართა ევროკომისიის სოფლის მეურნეობის განვითარების დირექტორატს, ქართული ღვინის ადგილწარმოშობის დასახელების - „კახეთი“ (კახური), ასევე ქართული ყველის გეოგრაფიული აღნიშვნის - „სულგუნი“ სავარაუდო, უნებართვო გამოყენების ფაქტების აღმოფხვრის შესახებ.
საქართველოს ინტელექტუალური საკუთრების ეროვნულ ცენტრ - საქპატენტს, საავტორო უფლებათა ასოციაციასა და თბილისის საკრებულოს შორის მემორანდუმები გაფორმდა
ამა წლის 2 აგვისტოს, ლიტერატურისა და ხელოვნების კონკურსის ,,თბილისი“ ფარგლებში საქართველოს ინტელექტუალური საკუთრების ეროვნულ ცენტრ - საქპატენტს, საავტორო უფლებათა ასოციაციასა და თბილისის საკრებულოს შორის ურთიერთთანამშრომლობის მემორანდუმები გააფორმა.
"ღვინის ცივილიზაციის ცენტრში" გამოფენა "საქართველო - მეღვინეობის აკვანი" გაიხსნა
31 ივლისს, საფრანგეთის ქალაქ ბორდოს „ღვინის ცივილიზაციის ცენტრში“ გაიხსნა გამოფენა -„საქართველო - მეღვინეობის აკვანი“. მევენახეობა - მეღვინეობის გამოფენათა ციკლის გახსნის დიდი პატივი ქართული ვენახების გაშენებისა და ვაზის მოვლის მრავალსაუკუნოვანი ტრადიციითაა განპირობებული და იმ სახელმწიფოებრივი პოლიტიკის გატარებით, რამაც ხელი შეუწყო ქართული ღვინის პოპულარიზაციასა და ფართო ასპარეზზე წარმოჩენას. ინტელექტუალური საკუთრების ეროვნული ცენტრი „საქპატენტი“ ამ მნიშვნელოვანი ღონისძიების თანაორგანიზატორია და, კომპეტენციის ფარგლებში, სხვა სახელმწიფო ორგანიზაციებთან ერთად, აქტიურად მონაწილეობს ღონისძიების წარმართვის პროცესში. საქპატენტის მხრიდან გამოფენის გახსნას ესწრებიან თავჯდომარის მოადგილე სოფიო მუჯირი და საზოგადოებასა და მასმედიასთან ურთიერთობის განყოფილების უფროსი ნათია ფოფხაძე.
ELSA-ს ინტელექტუალური საკუთრების სამართლის საზაფხულო სკოლის მონაწილეები საქპატენტში
დღეს, 28 ივლისს (2017წ.), საქპატენტის ცენტრალურ ოფისში იმყოფებოდნენ ELSA-ს ინტელექტუალური საკუთრების სამართლის საზაფხულო სკოლის მონაწილეები, სადაც მოისმინეს საქპატენტის თავმჯდომარის ნიკოლოზ გოგილიძის ლექცია ორგანიზაციის საქმიანობისა და ფუნქციების შესახებ. საქპატენტში საზაფხულო სკოლის სტუდენტები, ასევე, ესწრებოდნენ ფორმალური ექსპერტიზის ჩატარების პროცესს და პრაქტიკულ მაგალითზე მიიღეს ინფორმაცია უწყების სამუშაო სპეციფიკის შესახებ. ღონისძიების დასასრულს სტუდენტებს გადაეცათ ELSA-ს ინტელექტუალური საკუთრების სამართლის საზაფხულო სკოლის მონაწილეობის დამადასტურებელი სერტიფიკატი.
ELSA-ს ინტელექტუალური საკუთრების სამართლის საზაფხულო სკოლა თბილისში
24 ივლისს (2017წ.) ევროპის იურისტ სტუდენტთა ასოციაციისა (ELSA) და საქპატენტის ორგანიზებით გაიხსნა სამართლის საზაფხულო სკოლა, სადაც ევროკავშირის 14 ქვეყნის 40 სტუდენტი გაივლის ერთკვირიან აკადემიურ სასწავლო კურსს თემაზე „ინტელექტუალური საკუთრების სამართალი“.
საქართველოს ჩინეთის საპატენტო უწყების (SIPO) კომისრის მოადგილე ჰე ჟემინი ესტუმრა
დღეს, 20 ივლისს (2017წ.), ბათუმში გაიმართა საქპატენტის თავმჯდომარის ნიკოლოზ გოგილიძისა და ჩინეთის სახალხო რესპუბლიკის ინტელექტუალური საკუთრების სახელმწიფო უწყების (SIPO) კომისრის მოადგილის ჰე ჟემინის შეხვედრა, სადაც მხარეებმა განიხილეს ორ უწყებას შორის
კონფერენცია „საქართველო კონტრაფაქციისა და მეკობრეობის წინააღმდეგ“
დღეს, 20 ივლისს (2017 წ.), ბათუმში გაიხსნა რიგით მე-3 საერთაშორისო კონფერენცია „საქართველო კონტრაფაქციისა და მეკობრეობის წინააღმდეგ“, რომლის მიზანია საჯარო და კერძო სექტორის დიალოგის გაძლიერება კონტრაფაქციის წინააღმდეგ ბრძოლის საკითხებთან მიმართებაში, ეფექტური უწყებათაშორისი კოორდინაციის უზრუნველყოფა ინტელექტუალური საკუთრების უფლებების აღსრულების მექანიზმებთან დაკავშირებით და უცხო ქვეყნების გამოცდილების გაზიარება.
