| ENGLISH |
 |
 |
საქართველოში ინტელექტუალური საკუთრების სფეროს განვითარების, ბიზნეს სექტორის ჩართულობის გაზრდის და საქართველოს ინტელექტუალური საკუთრების ობიექტების პოპულარიზაციის ხელშეწყობის მიზნით, საქპატენტი და საქართველოს კულტურის პალატა ერთობლივი პროექტების განხორციელებას იწყებენ.
ღვინის “მაღრაანის ქისის”, როგორც ახალი ქართული ადგილწარმოშობის დასახელებად რეგისტრაციის შესაძლებლობაზე იმსჯელეს ახმეტის მუნიციპალიტეტის სოფელ მაღრაანში გამართულ შეხვედრაზე, რომელსაც საკანონმდებლო და აღმასრულებელი ხელისუფლების წარმომადგენლებთან ერთად ესწრებოდნენ აღნიშნული ღვინის მწარმოებლები, მევენახეები.
გუშინ, ერთ-ერთ ტელეკომპანიაში გასულ სიუჟეტთან დაკავშირებით, გვსურს, საზოგადოებას ვაცნობოთ, რომ სსიპ - საქართველოს ინტელექტუალური საკუთრების ეროვნული ცენტრის (საქპატენტის) საქმიანობის ერთ-ერთი უმთავრესი პრინციპია პოლიტიკური ნეიტრალიტეტი.
მიმდინარე წლის აპრილი-მაისის თვეში საქპატენტის ხელმძღვანელობისთვის ცნობილი გახდა, რომ სასაქონლო ნიშნების, გეოგრაფიული აღნიშვნების და დიზაინის დეპარტამენტის უფროსს - ირაკლი კასრაძეს წარმოებაში ჰქონდა სიუჟეტში მითითებული სასაქონლო ნიშნების რეგისტრაციის შესახებ განცხადებები, რომელთა რეგისტრაციის ირგვლივ დეპარტამენტის უფროსის ქმედებები აჩენდა აღნიშნული სასაქონლო ნიშნების რეგისტრაციის პროცესის პოლიტიკური მიზნებით შესაძლო გამოყენების შესახებ კითხვებს.
შესაბამისად, ორგანიზაციის რეპუტაციის შელახვის და დისკრედიტაციის თავიდან ასაცილებლად, საქპატენტის ხელმძღვანელობის გადაწყვეტილებით, ირაკლი კასრაძეს ჩამოერთვა მასზე დელეგირებული უფლებამოსილება და მისი მონაწილეობის გარეშე, კანონის მოთხოვნათა სრული დაცვით და კანონით გათვალისწინებულ ვადებში, დარეგისტრირდა ერთ-ერთი ტელევიზიის სასაქონლო ნიშანი, რის შესახებაც შეტყობინება დაუყოვნებლივ გაეგზავნა განცხადების ინიციატორ ტელევიზიას. ხოლო სიუჟეტში ნახსენები მეორე სასაქონლო ნიშანი ჯერ კიდევ მიმდინარე წლის მაისშია რეგისტრირებული.
საზოგადოებას გვსურს კიდევ ერთხელ განვუმარტოთ, რომ სსიპ - საქართველოს ინტელექტუალური საკუთრების ეროვნული ცენტრისთვის მნიშვნელოვანია როგორც ქვეყნის შიგნით, ისე მის ფარგლებს გარეთ საერთაშორისოდ მოპოვებული ავტორიტეტი და მაღალი რეპუტაცია. შესაბამისად, საქპატენტი არც მომავალში დაუშვებს თანამდებობრივი უფლებამოსილების პოლიტიკური მიზნებით გამოყენების მცდელობებს და მიიღებს ზომებს უფლებამოსილების ბოროტად გამოყენების აღსაკვეთად.
ინტელექტუალური საკუთრების ეროვნულმა ცენტრმა - საქპატენტმა დამცავი დოკუმენტი გასცა სასარგებლო მოდელზე, რომლის ტექნიკური შედეგია სერფინგის დაფის უსაფრთხოებისა და მოხერხებულობის ერთდროული ამაღლება, როგორც წყლის ზედაპირზე სასრიალოდ, ასევე ტრანსპორტირების და შენახვის დროს.
ინტელექტუალური საკუთრების ეროვნული ცენტრის - საქპატენტის სასწავლო ცენტრს ახალი ხელმძღვანელი ყავს - ანა დალაქიშვილი, ინტელექტუალური საკუთრების სამართლის მაგისტრის ხარისხს ფლობს. მისი დარგში 8 წლიანი მუშაობის სტაჟი, ინტელექტუალური საკუთრების მსოფლიო ორგანიზაციაში (WIPO) მუშაობის გამოცდილებასაც მოიცავს. ახალი ხელმძღვანელი ყავს სასწავლო ცენტრის პროგრამების მართვის გუნდს - ლალი ამირანაშვილი, ტრენინგების სამსახურს 6 წელი ხელმძღვანელობდა. საქპატენტის ახალი თავმჯდომარის მხრიდან ინტელექტუალური საკუთრების სასწავლო ცენტრის გაძლიერება და დატვირთვა, მისი ეფექტიანი ფუნქციონირება უწყების ერთ-ერთ მთავარ პრიორიტეტად დასახელდა. მისი გადაწყვეტილებით, უწყებაში გამოცხადდა შიდა კონკურსი, რომლის საფუძველზე ანას მიეცა საშუალება ცენტრის ხელმძღვანელის პოზიცია დაეკავებინა და გუნდში პროფესიონალები მოეწვია. პირველი დავალება ცენტრის ახალი კონცეფციის შექმნა იყო.
ინტელექტუალური საკუთრების მსოფლიო ორგანიზაციამ (WIPO), ინტელექტუალური საკუთრების უწყებების სასწავლო ცენტრებს შორის თანამშრომლობის ხელშეწყობის მიზნით, ორგანიზება გაუკეთა მრგვალ მაგიდას სახელწოდებით „სასწავლო ცენტრებს შორის საუკეთესო პრაქტიკის გაცვლა“.
საქართველოში კრეატიული ინდუსტრიების განვითარების ერთ-ერთ მთავარ გამოწვევაზე - მეკობრეობის პრობლემაზე იმსჯელეს საჯარო და კერძო სექტორის წარმომადგენლებმა დღეს, 15 ივლისს, საქართველოს პარლამენტში. სექტორებს შორის დიალოგის ფორმატი ორგანიზებული იყო, აშშ-ს საერთაშორისო განვითარების სააგენტოს ეკონომიკური უსაფრთხოების პროგრამის (The USAID Economic Security Program) ფარგლებში, საქართველოს პარლამენტის დარგობრივი ეკონომიკისა და ეკონომიკური პოლიტიკის კომიტეტის დეპუტატთა მხარდაჭერით.
დღეიდან, ევროკავშირის ინტელექტუალური საკუთრების უწყების (EUIPO) სასაქონლო ნიშნების საძიებო ინსტრუმენტში, TMClass-ში, საქონლის და მომსახურების 60 000-მდე ტერმინი ქართულ ენაზეა ხელმისაწვდომი. აღნიშნული ქართველ და უცხოელ განმცხადებელს მისცემს შესაძლებლობას ავტომატურ რეჟიმში მოიძიოს, თარგმნოს ქართულ ენაზე და ქართული ენიდან სხვა 44 ენაზე საქონლის და მომსახურების ნებისმიერი ტერმინი სასაქონლო ნიშნების განაცხადის წარსადგენად.
ევროპის სამართლის სტუდენტთა ასოციაციაციის თბილისის ჯგუფისა (ELSA-Tbilisi) და საქპატენტის სასწავლო ცენტრის ორგანიზებით, სამართლის საზაფხულო სკოლა დღეს, 13 ივლისს (2020 წ.) გაიხსნა. ყოველწლიური ღონისძიება, რომლის მიზანია ევროპელი და ქართველი სტუდენტების ცნობიერების ამაღლება ინტელექტუალური საკუთრების დარგში, კორონავირუსის (COVID-19) პანდემიის პირობებში დისტანციურ რეჟიმში იფუნქციონირებს.
მოზარდებში ინტელექტუალური საკუთრების მიმართულებით ცნობიერების ამაღლების მიზნით, საქპატენტის სასწავლო ცენტრმა ჩაატარა დისტანციური ლექცია, სადაც „ჯუნიორ ეჩივმენტ საქართველოს“ პროგრამის „იყავი მეწარმე“ მონაწილეები გაეცნენ ინტელექტუალური საკუთრების როლს და მისი დაცვის მექანიზმებს სამეწარმეო საქმიანობაში.
