| ENGLISH |
 |
 |
საქართველოში ინტელექტუალური საკუთრების უფლებების აღსრულების შესახებ ფორუმის მესამე დღე მოსამართლეებსა და ინტელექტუალური საკუთრების უფლებების დარღვევებთან დაკავშირებული სასამართლო საქმეების განხილვას დაეთმო.
საქართველოს ინტელექტუალური საკუთრების ეროვნული ცენტრის - საქპატენტის , გამოგონებისა და ახალი ჯიშების დეპარტამენტის უფროსმა მერაბ კუციამ მონაწილეობა მიიღო საქართველოს ინოვაციებისა და ტექნოლოგიების სააგენტოს ორგანიზებით ჩატარებულ ღონისძებაში „ტექნოლოგიების გადაცემა საქართველოში“ (Technology Transfer in Georgia).
ღონისძიება საქპატენტისა და ევროკავშირის ინტელექტუალური საკუთრების უწყების (EUIPO) ორგანიზებითა და ევროკავშირის მიერ დაფინანსებული - ,,ინტელექტუალური საკუთრების შესახებ ევროკავშირისა და საქართველოს ერთობლივი პროექტის“ (EUGIPP) ფარგლებში ტარდება.
გეოგრაფიული აღნიშვნების სახელმწიფო კონტროლი, ავტორიზაცია და სერტიფიცრება - აღნიშნული საკითხები საქპატენტისა და ევროკავშირის ორგანიზებით ჩატარებულ ტრენინგზე განიხილეს. ღონისძიება ტვინინგის (TWINNING) პროექტის ფარგლებში „საქართველოში გეოგრაფიული აღნიშვნებისა და კონტროლის სისტემის ეფექტური დანერგვა“ ჩატარდა.
ტრენინგზე ყურადღება კონკრეტული უწყებებისა და მაკონტროლებელი ორგანოების როლის, ფუნქციებისა და საქმიანობის შესახებ გამახვილდა. მონაწილეებმა გეოგრაფიული აღნიშვნების დაცვის მიმართულებით ევროკავშირის ქვეყნების გამოცდილება და ცოდნა გაიზიარეს. ასევე გაეცნენ ისეთ მექანიზმებს, რომლებიც გააძლიერებს საქართველოში გეოგრაფიული აღნიშვნების დაცვის სისტემას და ხელს შეუწყობს ამ სფეროში კომპეტენციის გაზრდასა და ცოდნის გაღრმავებას.
ევროკავშირისა და საქართველოს ინტელექტუალური საკუთრების შესახებ ერთობლივი პროექტის (EUGIPP) ფარგლებში განხორციელებულმა ერთ-ერთმა კომპონენტმა - „კრეატიულობა და ინტელექტუალური საკუთრება საქართველოს სკოლებში", წარმატებული პროექტის ყველა კომპონენტი დააკმაყოფილა და უმაღლესი შეფასება მიიღო.
დასკვნითი ღონისძიება საპქტენტის თავმჯდომარე მინდია დავითაძესთან ერთად გახსნა ევროკავშირის ინტელექტუალური საკუთრების უწყების აღმასრულებელმა დირექტორმა - კრისტიან არშამბომ, საქართველოში ევროკავშირის ოფისის წარმომადგენლობის თანამშრომლობის უფროსის მოადგილემ - კატალინ გერმანმა, საქართველოს განათლებისა და მეცნიერების მინისტრის პირველმა მოადგილემ - ეკატერინე დგებუაძემ, საქართველოს ეკონომიკისა და მდგრადი განვითარების მინისტრის მოადგილე - ირაკლი ნადარეიშვილმა.
ღონისძიებაზე გაცხადდა პროექტის განმეორებით განხორციელების მზადყოფნა, მაგრამ ამჯერად უფრო მასშტაბურად, ყველა მუნიციპალიტეტის სკოლის ჩართვით, რაც მნიშვნელოვან როლს შეასრულებს საქართველოს ეკონომიკური განვითარების გრძელვადიან პერსპექტივაში.
საქპატენტის სათავო ოფისში გაიმართა საქპატენტის თავმჯდომარის, მინდია დავითაძის შეხვედრა ევროპული ბიზნეს ასოციაციის გენერალურ დირექტორთან, დევიდ ლოურენს ლისთან, სადაც მხარეებმა ისაუბრეს სამომავლო თანამშრომლობის გეგმებსა და პერსპექტივებზე.
შეხვედრაზე ხაზი გაესვა ერთობლივი პროექტების შემუშავების საკითხს - საქართველოში ინტელექტუალური საკუთრების შესახებ ცნობიერების გაზრდისა და საქპატენტის თანამშრომლების პროფესიული განვითარების მიმართულებით.
ევროპული ბიზნეს ასოციაცია (EBA) საქართველოში წარმოადგენს ორგანიზაციას, რომლის მთავარი აქცენტი კეთდება რეგიონებისა და მცირე თუ საშუალო ბიზნესის განვითარებაზე. ასოციაციის მთავარი მისიაა საქართველოში ევროპული ბიზნესის, ასევე საქართველოსა და ევროპას შორის ვაჭრობისა და ინვესტირების ხელშეწყობა.
2021 წლის 17 მაისს, ინტელექტუალური საკუთრების მსოფლიო ორგანიზაციის - სასაქონლო ნიშნების, დიზაინებისა და გეოგრაფიული აღნიშვნების მუდმივმოქმედი კომიტეტის რიგით 44-ე სხდომა გაიხსნა, სადაც CEBS-ის ჯგუფის სახელით, საქართველოს სპეციალური წარმომადგენელი, ქეთევან კილაძე წარსდგა.
შეხვედრისას, ქეთევან კილაძემ დიზაინების, გეოგრაფიული აღნიშვნებისა და სასაქონლო ნიშნების დაცვასთან დაკავშირებულ საკითხებზე ისაუბრა და მომავალი საქმიანობისა და კომიტეტის წინაშე არსებული ამოცანების გადაჭრის მნიშვნელობას გაუსვა ხაზი.
კომიტეტის მუშაობის მიზანი სასაქონლო ნიშნებთან, დიზაინებთან და გეოგრაფიულ აღნიშვნებთან მიმართებით, ისეთი მექანიზმების შემუშავებაა, რომლებიც მათ მეტად ეფექტიან დაცვას უზრუნველყოფს. ამ მიზნის მისაღწევად განსაკუთრებით მნიშვნელოვანია ისმო-ს წევრ სახელმწიფოთა პოზიციების დაახლოება და მიმდინარე საკითხებთან დაკავშირებით საბოლოო შეთანხმების მიღწევა.
თანამშრომლობის გეგმებსა და ერთობლივი პროექტების შემუშავებაზე ისაუბრეს საქპატენტის თავმჯდომარემ, მინდია დავითაძემ და საფრანგეთის ელჩმა საქართველოში, დიეგო კოლასმა შეხვედრაზე, რომელიც საქპატენტის სათავო ოფისში გაიმართა.
„საფრანგეთის გამოცდილების გაზიარება უაღრესად მნიშვნელოვანია ქვეყანაში გეოგრაფიული აღნიშვნების სისტემის განვითარებისა და ევროპულ სტანდარტებთან მიახლოებისათვის“ - აღნიშნა ელჩთან საუბრისას მინდია დავითაძემ.
ამჟამად ხორციელდება ევროკავშირის მიერ დაფინანსებული ტვინინგის პროექტი, რომლის მთავარი მიზანია გეოგრაფიული აღნიშვნების სისტემის განვითარების ხელშეწყობა და ევროკავშირის სტანდარტებთან ჰარმონიზება. პროექტი ხორციელდება საფრანგეთისა და იტალიის კონსორციუმთან ერთად.
„ინოვაციური, თანამედროვე და სტაბილური ეკონომიკა ძლიერ ინტელექტუალური საკუთრების სისტემას ემყარება. მზად ვართ საქპატენტთან, ჩვენს მნიშვნელოვან პარტნიორთან თანამშრომლობისთვის“- განაცხადა შეხვედრაზე დიეგო კოლასმა.
სექსუალური შევიწროების საკითხებზე საქპატენტის თანამშრომლებისთვის გაეროს ქალთა ორგანიზაციის, საქართველოს მთავრობის ადმინისტრაციისა და ნორვეგიის საგარეო საქმეთა სამინისტროს მხარდაჭერით ტრენინგი ჩატარდა. თანამშრომლებისთვის კომფორტული სამუშაო გარემოს შექმნა და მისი შენარჩუნება უწყებისთვის ერთ-ერთ პრიორიტეტულ მიმართულებას წარმოადგენს.
ღვინის ეროვნულ მუზეუმში, ინტელექტუალური საკუთრების ეროვნული ცენტრის - „საქპატენტის“ თავმჯდომარემ, მინდია დავითაძემ ხელი მოაწერა „ქვევრის“ გეოგრაფიულ აღნიშვნად რეგისტრაციის მოწმობას, რომელიც საზეიმო ვითარებაში გადაეცა გარემოს დაცვისა და სოფლის მეურნეობის მინისტრს - ლევან დავითაშვილს.
„ქვევრი“ პირველი არასასურსათო პროდუქტია, რომელიც გეოგრაფიული აღნიშვნების სახელმწიფო რეესტრს დაემატა. მისი გეოგრაფიულ აღნიშვნად რეგისტრაცია კიდევ ერთხელ ადასტურებს მის განსაკუთრებულ კავშირს ჩვენი ქვეყნის ისტორიას, კულტურასა და იდენტობასთან, რაც საერთაშორისო ბაზრებზე ხელს შეუწყობს ქართული ღვინის პოპულარიზაციას.
აღსანიშნავია, 2013 წელს, ქვევრში ღვინის დაყენების ქართულ ტრადიციულ მეთოდს იუნესკოს (UNESCO) არამატერიალური კულტურული მემკვიდრეობის ძეგლის სტატუსი მიენიჭა, რაც ამ მეთოდის უნიკალურობაზე მიუთითებს და გზავნილია მთელი მსოფლიოსთვის, რომ ღვინო უძველესი ქართული კულტურის შემადგენელი ნაწილია.
