სოსო გიორგაძემ 2024 წლის ათასწლეულის ინოვაციის კონკურსის ფინალისტი გუნდი BEES დააჯილდოვა
საქპატენტი საქართველოს ინტელექტუალური საკუთრების სფეროში პოლიტიკის განმსაზღვრელი უწყებაა, რომელიც აქტიურადაა ჩართული ინოვაციებისა და ტექნოლოგიების განვითარებაზე მიმართულ სხვადასხვა ღონისძიების, მათ შორის, ათასწლეულის ინოვაციის კონკურსის განხორციელებაში. საქპატენტი მრავალი წელია თანამშრომლობს ათასწლეულის გამოწვევის ფონდთან და 2014 წლიდან – კონკურსის დაარსებიდან წარმოდგენილია კონკურსის ჟიურის შემადგენლობაში და მონაწილეობს საკონკურსო პროექტების შეფასებასა და გამარჯვებული გუნდების შერჩევაში.
ქუთაისის საერთაშორისო უნივერსიტეტში (KIU) საერთაშორისო ზამთრის სკოლა გაიხსნა, რომელიც ინტელექტუალური საკუთრების უფლებებს მიეძღვნა
საქართველოს ინტელექტუალური საკუთრების ეროვნული ცენტრის – „საქპატენტის“ თავმჯდომარე სოსო გიორგაძე ქუთაისის საერთაშორისო უნივერსიტეტში (KIU) გამართულ საერთაშორისო სეზონური (ზამთრის) სკოლის (International Excellence School (IES) გახსნის ღონისძიებას დაესწრო. ზამთრის სკოლის აკადემიურ სივრცეში მოწვეული საერთაშორისო თუ ადგილობრივი ექსპერტები ისაუბრებენ ინტელექტუალური საკუთრების არსებით როლსა და მნიშვნელობაზე, ასევე, ჩატარდება სემინარები და სხვადასხვა სახის პრაქტიკული სწავლებები.
ინტელექტუალური საკუთრების მსოფლიო ორგანიზაციის (WIPO) ყოველწლიური „გლობალური დაჯილდოების კონკურსზე“ განაცხადების მიღება დაიწყო
ინტელექტუალური საკუთრების მსოფლიო ორგანიზაციამ (WIPO) გლობალური დაჯილდოების კონკურსი 2025 გამოაცხადა. WIPO-ს ყოველწლიური „გლობალური დაჯილდოების კონკურსის“ მიზანია იმ მნიშვნელოვანი სტარტაპების, მცირე და საშუალო ბიზნესებისა თუ უნივერსიტეტების გამოვლენა და წარმოჩენა, რომლებიც ინტელექტუალური საკუთრების გამოყენებით აღწევენ წარმატებას ეკონომიკური განვითარების კუთხით, ასევე სოციალური გავლენის მოპოვების მიმართულებით.
საქპატენტის თავმჯდომარე სერბეთის რესპუბლიკის ინტელექტუალური საკუთრების უწყების დირექტორს ვლადიმირ მარიჩს შეხვდა
საქართველოს ინტელექტუალური საკუთრების ეროვნული ცენტრის - „საქპატენტის“ თავმჯდომარე სოსო გიორგაძე სერბეთის რესპუბლიკის ინტელექტუალური საკუთრების უწყების დირექტორს ვლადიმირ მარიჩს შეხვდა. შეხვედრაზე, რომელიც ონლაინ ფორმატში გაიმართა, ორმხრივი თანამშრომლობის გაღრმავებაზე იმსჯელეს.
შეტყობინება საქართველოს პატენტრწმუნებულებს
2024 წლის 15 მაისს საქართველოს პარლამენტმა მიიღო საქართველოს კანონი „საქართველოს პატენტრწმუნებულთა შესახებ“ (შემდგომ – კანონი), რომელიც ამოქმედდა 2025 წლის 1 იანვრიდან.
საქპატენტმა უზბეკეთის ინტელექტუალური საკუთრების უწყების თანამშრომლებს გეოგრაფიული აღნიშვნების სფეროში გამოცდილება გაუზიარა
საქპატენტის ინტელექტუალური საკუთრების სწავლებისა და გადამზადების ცენტრის ორგანიზებით უზბეკეთის ინტელექტუალური საკუთრების უწყების წარმომადგენლებისთვის 2-დღიანი ვებინარი გაიმართა. სასწავლო აქტივობა უზბეკი კოლეგების ოფიციალური მომართვის საპასუხოდ დაიგეგმა და მიზნად ისახავდა გეოგრაფიული აღნიშვნების სფეროში საქართველოს გამოცდილების გაზიარებას. უზბეკეთი ამჟამად გეოგრაფიული აღნიშვნების სისტემის ჩამოყალიბების საწყის ეტაპზეა და საუკეთესო საერთაშორისო პრაქტიკის გაცნობა მისთვის პრიორიტეტულია.
მარაკეშის ხელშეკრულების მონაწილე ქვეყნების სიას საქართველო შეემატა
ინტელექტუალური საკუთრების მსოფლიო ორგანიზაციამ (WIPO) მარაკეშის ხელშეკრულების მონაწილე სახელმწიფოების სია განაახლა და მასში საქართველო შეიყვანა. განახლებულ ინფორმაციაში აღნიშნულია, რომ საქართველოს მიმართ მარაკეშის ხელშეკრულება ძალაში შევა 2025 წლის 26 თებერვლიდან.
საქპატენტმა 5 ახალ უნიკალურ ქართულ პროდუქტს გეოგრაფიული აღნიშვნის და ადგილწარმოშობის დასახელების სტატუსი მიანიჭა
საქართველოს ინტელექტუალური საკუთრების ეროვნულმა ცენტრმა – „საქპატენტმა“ 5 უნიკალურ ქართულ პროდუქტს გეოგრაფიული აღნიშვნისა და ადგილწარმოშობის დასახელების სტატუსი მიანიჭა. საქართველოს გარემოს დაცვისა და სოფლის მეურნეობის სამინისტროს განაცხადის საფუძველზე, გორის ვაშლი, სვანური მარილი, კახური შაშხი და ბოლნისის ახალი კარტოფილი გეოგრაფიულ აღნიშვნებად, ხოლო, შპს იმერული ღვინის ასოციაციის მიერ შემოტანილი განაცხადით, ობჩის ღვინო ადგილწარმოშობის დასახელებად დარეგისტრირდა.
საქპატენტის თანამშრომლებმა ჩინეთის ინტელექტუალური საკუთრების ეროვნული ადმინისტრაციის მიერ ორგანიზებულ სემინარში მიიღეს მონაწილეობა
ქ. პეკინში, ჩინეთის ინტელექტუალური საკუთრების სასწავლო ცენტრში (CIPTC) სასაქონლო ნიშნების შესახებ 2024 წლის სასწავლო სემინარი გაიმართა, რომელიც ორგანიზებული იყო ჩინეთის სახალხო რესპუბლიკის ინტელექტუალური საკუთრების ეროვნული ადმინისტრაციის (CNIPA) მიერ.
საქპატენტში საარქივო მასალების გაციფრულების პროცესი გრძელდება
საქართველოს ინტელექტუალური საკუთრების ეროვნულ ცენტრში – „საქპატენტში“ 1992-2017 წლებში ფორმირებული დოკუმენტების სამეცნიერო-ტექნიკური დამუშავებისა და გაციფრულების (დიგიტალიზაციის) სამუშაოები აქტიურ ფაზაში შევიდა. სამუშაოები ხორციელდება საქპატენტსა და საქართველოს ეროვნულ არქივს შორის გაფორმებული ხელშეკრულების ფარგლებში საარქივო წესების სრული დაცვით.
